औरंगाबादमध्ये आज 90 नवे कोरोना रुग्ण; एकूण रुग्णसंख्या 468

0
2841

औरंगाबाद जिल्ह्यात एकूण 72 एसआरपी जवानांसह तब्बल 90 कोरोनाबाधित रुग्णांची आज सकाळी आलेल्या चाचणी अहवालात भर पडल्याने जिल्ह्यातील कोरोनाबाधित 468 झाले आहेत. एकाच दिवशी एवढ्या मोठ्या प्रमाणात कोरोना संक्रमित रुग्ण आढळण्याची ही पहिलीच वेळ ठरली .

शहराजवळील सातारा परिसरात राज्य राखीव पोलीस दलाचा (एसआरपीएफ) कॅम्प आहे . या कॅम्पमधील जवान कोरोना चा हॉटस्पॉट असलेल्या मालेगाव शहरात काही दिवसांपूर्वी बंदोबस्तासाठी गेलेले होते. तसेच काही दिवसांपूर्वी याच कॅम्पमधील एका जवानास कोरोनाची बाधा झालेली आहे. मालेगाव येथून परतल्यावर या 72 जवानांच्या लाळेचे नमुने काल तपासणी साठी घेण्यात आले होते. आज शुक्रवारी या सर्वांचे अहवाल पॉझिटिव्ह आल्याने मोठी खळबळ उडाली आहे.
शहरातील आज सकाळी आढळून आले कोरोनाबाधित रुग्ण हे एसआरपीएफ कॅम्प (72) जयभीम नगर (4), बेगमपुरा (4), भीमनगर, भावसिंगपुरा (1), शाह बाजार (01), ध्यान नगर, गारखेडा (01), लघुवेतन कॉलनी, मुकुंदवाडी (1), बायजीपुरा (3), कटकट गेट (1), सिकंदर पार्क (1) आहेत. तर ग्रामीण भागातील खुलताबाद (1) येथील आहेत. यामध्ये 83 पुरूष आणि 7 महिला रुग्णांचा समावेश असल्याचे जिल्हा सामान्य रुग्णालयाच्यावतीने (मिनी घाटी) डॉ. प्रदीप कुलकर्णी यांनी सांगितले.

Previous articleऔरंगाबादेत आज दिवसभरात २४ नवीन रुग्ण; एकूण कोरोना रुग्णांची संख्या ३२१
Next articleऔरंगाबादमध्ये कोरोना रुग्णसंख्या 500च्या उंबरठ्यावर
CityKatta : Aurangabad's own social media platform

LEAVE A REPLY

Please enter your comment!
Please enter your name here