दंगलखोरांना आम्ही कदापि क्षमा करणार नाही. हे दंगेखोर जर आमच्या कंपन्यांतील असतील तर त्यांना कामावरून काढू टाकू आणि नसतील तर अशा गुन्हेगारी प्रवृत्तीच्या लोकांना कुठेच रोजगार मिळणार नाही याची काळजी घेऊ,’ असा इशाराही वाळूजमधील उद्याेजकांच्या बैठकीतून देण्यात अाला.
वाळूजमध्ये CCTV फुटेजमधून ओळख पटवून अटकसत्र सुरू; औरंगाबादेत 20 जणांना अटक
वाळूज परिसरात कंपन्याची तोडफोड करणाऱ्या जमावावर गंभीर गुन्हे दाखल करण्यात आले असून गुरुवारी सायंकाळी घडलेला हा प्रकार ९३ सीसीटीव्ही कॅमेऱ्यांनी टिपला आहे. या फुटेजमधून ओळख पटवून पोलिसांनी अटकसत्र सुरू केले. याच्या तपासासाठी विशेष तीन पथके तयार केली आहेत. विशेष म्हणजे पोलिस आयुक्त चिरंजीव प्रसाद शुक्रवारी दिवसभर वाळूज पोलिस ठाण्यात होते. त्यांनी उद्योजकांच्या भेटी घेतल्या आणि त्यांना फिर्याद देण्यास सांगितले.
सीआयडी चौकशीची मागणी
दरम्यान, मराठा क्रांती मोर्चाचे समन्वयक यांनी वाळूजमध्ये कंपन्यांवर झालेला हल्ला व तोडफोडीशी मराठा आंदोलकांचा काहीही संबंध नाही. या घटनेची सरकारने सीआयडी चौकशी करावी, अशी आमची मागणी आहे.
